ಇಂಡೋ-ಇಸ್ಲಾಮಿಕ್ ಆರ್ಕಿಟೆಕ್ಚರ್ನಲ್ಲಿ 30,000 ಚದರ ಅಡಿ ವಿಸ್ತೀರ್ಣದಲ್ಲಿದೆ ಭವ್ಯ ವಾಸ್ತುಶಿಲ್ಪದ ಈ ಮೋದಿ ಮಸೀದಿ!
ಬೆಂಗಳೂರಿನಲ್ಲಿ ಮೋದಿ ಎಂಬ ಹೆಸರಿನ ಮಸೀದಿಯೊಂದಿದೆ! ಸದ್ಯ ಈ ಹೆಸರಿನ ಮಸೀದಿ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಆಸಕ್ತಿಕರ ಚರ್ಚೆಯಾಗುತ್ತಿದೆ.
ಮೋದಿ ಮಸೀದಿ ಪ್ರಧಾನಿ ನರೇಂದ್ರ ಮೋದಿ ಅವರ ಹೆಸರಲ್ಲಿ ನಿರ್ಮಿಸಿದ ಮಸೀದಿಯೇ ಎಂದು ಹಲವರು ಮೇಲ್ನೋಟಕ್ಕೆ ಭಾವಿಸಬಹುದು. ಆದರೆ ಇದು ಪ್ರಧಾನಿ ನರೇಂದ್ರ ಮೋದಿ ಅವರ ಹೆಸರಲ್ಲಿ ನಿರ್ಮಿಸಿದ ಮಸೀದಿ ಅಲ್ಲ.
ಬೆಂಗಳೂರಿನ ಟಾಸ್ಕರ್ ಟೌನ್ನಲ್ಲಿರುವ ಮೋದಿ ಮಸೀದಿ ಭವ್ಯ ವಾಸ್ತುಶಿಲ್ಪದಿಂದಲೂ ಖ್ಯಾತಿ ಪಡೆದಿದೆ.
ಈ ಮಸೀದಿಯು ಸುಮಾರು 170 ವರ್ಷಗಳಷ್ಟು ಹಳೆಯದು. ಪ್ರಧಾನಿ ಮೋದಿ ಮತ್ತು ಈ ಮಸೀದಿ ನಡುವೆ ಯಾವುದೇ ಸಂಬಂಧವಿಲ್ಲ.
ಟಾಸ್ಕರ್ ಟೌನ್ನಲ್ಲಿರುವ ಈ ಮಸೀದಿಯನ್ನು ಹೊರತುಪಡಿಸಿ, ಬೆಂಗಳೂರಿನಲ್ಲಿ ಮೋದಿ ಮಸೀದಿ ಎಂದು ಕರೆಯಲ್ಪಡುವ ಎರಡು ಮಸೀದಿಗಳಿವೆ.
1849 ರ ಸುಮಾರಿಗೆ ಟಾಸ್ಕರ್ ಟೌನ್ ಅನ್ನು ಮಿಲಿಟರಿ ಮತ್ತು ಸಿವಿಲ್ ಸ್ಟೇಷನ್ ಎಂದು ಕರೆಯಲಾಗುತ್ತಿತ್ತು. ಅಲ್ಲಿ ಶ್ರೀಮಂತ ವ್ಯಾಪಾರಿ ಮೋದಿ ಅಬ್ದುಲ್ ಗಫೂರ್ ವಾಸಿಸುತ್ತಿದ್ದರು. ಅವರು ಈ ಪ್ರದೇಶದಲ್ಲಿ ಮಸೀದಿಯ ಅಗತ್ಯವನ್ನು ಅರಿತು 1849 ರಲ್ಲಿ ಹೊಸ ಮಸೀದಿ ನಿರ್ಮಿಸಿದ್ದಾರೆ.
ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಎರಡನೇ ಅವಧಿಗೆ ಪ್ರಮಾಣವಚನ ಸ್ವೀಕರಿಸಿದ ಸಮಯದಲ್ಲೇ ಈ ನವೀಕರಿಸಿದ ಮಸೀದಿಯನ್ನು ಸಾರ್ವಜನಿಕರಿಗೆ ತೆರೆಯಲಾಗಿತ್ತು.
ಇಂಡೋ-ಇಸ್ಲಾಮಿಕ್ ಆರ್ಕಿಟೆಕ್ಚರ್ನಲ್ಲಿ 30,000 ಚದರ ಅಡಿ ವಿಸ್ತೀರ್ಣದ ಮಸೀದಿಯನ್ನು ನಿರ್ಮಿಸಲಾಗಿದೆ.
ಈ ಮಸೀದಿಯು ರಾಜ್ಯ ವಕ್ಫ್ ಮಂಡಳಿಯ ಆಡಳಿತಕ್ಕೆ ಒಳಪಟ್ಟಿದೆ.
